news-img

Әлеуметтік идеялар жәрмеңкесі аясында іске қосылған жобалар еліміздің әртүрлі аймақтарында тұратын қазақстандықтардың жекелеген санаттарының өмірін жақсартуға арналған. Солардың бірі – аутизм спектрі бұзылған балаларға арналған сенсорлық-интегративті терапия жобасы. Маңызды әлеуметтік жобаның авторы – «Өзге өмір» қоғамдық қоры мен оның жетекшісі Камилла Ситасманова.

«Басқа өмір» командасы 2020 жылы Нұрсұлтан Назарбаев Қорының грантын жеңіп алған болатын. Осы уақыт ішінде Талдықорған мен Алматы облысындағы дамуында ауытқуы бар 100-ге жуық балаға кәсіби тұрғыда көмектесті.

«Басқа өмір» қоғамдық қоры аутизм спектрі бұзылған адамдарға көмектесу үшін құрылған. Өкінішке орай, балалардың көптігі сонша, біз үш ай бойы сабақ өткізуге мәжбүрміз. Себебі оңалтудың мұндай түрін қалайтын және қажет ететіндер көп. Бір қуанатынымыз, барлық дағдыларда бойынша, соның ішінде, коммуникативті және бейімделуде де ілгерілеушілік, жақсы нәтиже бар. Ата-аналар мен мамандар (психологтар, логопедтер, дефектологтар) зейіннің жақсарғанын, тітіркендіргіштердің азайғанын, көздің жанасуының артқанын, адамдар арасындағы қарым-қатынастың жақсарғанын айтып жүр, – дейді Камилла Ситасманова.

Сенсорлық интеграция сабақтары арнайы жабдықталған кабинетте, оқыған мамандардың қатысуымен аптасына екі рет 40 минуттан өткізіледі. Мамандар ата-аналарға ең жақсы нәтижеге жету үшін үйде қандай жаттығулар жасауға болатыны туралы кеңес береді.

Маринаның 15 жасар ұлы Дима осыған дейінгі 12 жылда жасай алмағанын соңғы екі айда істеп үйреген. Мұндай нәтижеге ол, әрине, сенсорлық сабақтарға қатысу арқылы қол жеткізген.

Сенсорлық интеграция – жүйке жүйесі сезім мүшелерінің рецепторларынан ақпаратты қабылдап, оларды талдай отырып, мақсатты әрекеттерді орындау үшін пайдаланатын процесс.

Алты жасар Ахметхан, емдік терапияның арқасында сабырлы, мұқият бола бастаған, оған қоса, баланың координациясы мен қимыл-қозғалысы жақсарған.

Түсініктеме қалдыру