Қазақстандық «Өзен Түстері» жобасы Амстердамда өткен IDFA халықаралық деректі кинофестивалінде таныстырылды

Режиссер Кристина Михайлова мен продюсер Дана Сәбитова түсірген «Өзен Түстері» деректі жобасы Амстердамда өткен IDFA халықаралық деректі кинофестивалінде — dok.incubator preview воркшопы аясында, соңғы монтаж кезеңіндегі жобалар тұсаукесері кезінде көрсетілді. 

IDFA деректі кино әлеміндегі ең беделді әрі ықпалды алаңдардың бірі. Дәл осы фестивальде саланың кәсіби бағыт-бағдары қалыптасып, даму бағыттары айқындалады. «Өзен Түстері» командасы үшін бұл фестивальге қатысу кәсіби дамудың маңызды кезеңі әрі жаңа мүмкіндікке жол ашқан оқиға болды.

Амстердамда халықаралық продюсерлермен, дистрибьюторлармен және фестиваль өкілдерімен кездесулер өтті. Бұл кәсіби жанды диалог командаға сарапшылармен пікірлесуге, көркемдік және драматургиялық шешімдерді нақтылауға, сондай-ақ фильмнің халықаралық фестивальдік және фильмді көрсету жоспарын тиімді құруға мүмкіндік берді. 

Іс-сапар Нұрсұлтан Назарбаев Қорының гранттық қолдауы арқылы жүзеге асырылды. Мұндай деңгейдегі шараларға қазақстандық жобалардың қатысуы — нақты бір шығармашылық топ үшін ғана емес, отандық деректі киноны әлемдік мәдени кеңістікке біріктіру жолындағы маңызды қадам. Бұл Қазақстаннан шыққан авторлар мен тақырыптарға деген тұрақты қызығушылық бар екенін көрсетіп, ел ішіндегі кәсіби стандарттардың өсуіне ықпал етеді.

«Өзеннің Түстері» жобасының IDFA-да ұсынылуы жас кинематографистерге халықаралық деңгейге шығуға болатынын көрсетті. Қазақстандық деректі кино әлемдік мәдени кеңістікте сенімді түрде өз орнын нығайтып келеді.

Фотограф: Ernie Buts