Музей серіктестігінің жаңа көкжиектері: Алматы музейлер бірлестігімен Меморандумға қол қойылды

Тұңғыш Президент Музейі Қала музейлері бірлестігімен ынтымақтастық туралы Меморандумға қол қойды. Тараптар мәдени мұраны сақтауға және насихаттауға бағытталған бірлескен жобалар үшін жаңа мүмкіндіктер ашады.

Бірлестік құрамына: Алматы музейі, Ықылас атындағы халық музыкалық аспаптар музейі, Д.А. Қонаев музейі, Д.А. Қонаевтың мемориалды пәтер-музейі, Н. Тілендиевтің мемориалды музейі, С. Мұқанов пен Ғ. Мүсіреповтің әдеби-мемориалды музейлері, Райымбек батыр мемориалды кешені, А. Байтұрсынұлы музей-үйі, Мультимедиялық дәстүрлі музыка орталығы, «Боралдай сақ қорғандары» археологиялық паркі кіреді.

Серіктестік кәсіби тәжірибе алмасуға, көрме және ғылыми-әдістемелік бастамаларды іске асыруға, сондай-ақ білім беру және мәдени бағдарламаларды дамытуға негіз жасайды.