«Smart Ustaz» жобасы

SMART USTAZ - Заманауи мұғалім - ұлттың лайықты ұрпағы!

Smart Ustaz - балалардың дамуына әсер ететін негізгі факторлардың бірі ретінде педагогтың жеке ресурсын дамытуға ықпал ететін жоба.

Жобаның негізгі критерийі мұғалімдерге арналған платформа түрінде технологиялық шешімді қолдану, ол онлайн форматта білім алуға және олардың дамуын бақылауға мүмкіндік береді.

Жобаның мақсаты ел педагогтарының кәсіби және сабақтас құзыреттерін қалыптастыру және дамыту.

«Елбасы Академиясы» корпоративтік қоры 2021 жылы педагогтердің икемді дағдысын дамытуға бағытталған педагогтердің біліктілігін арттыру курсының 2 білім беру бағдарламасын әзірледі:

1. Тиімді ойлау дағдылары және когнитивті икемділік
2. Оқушылармен және ата-аналармен тиімді қарым-қатынас жасау үшін әлеуметтік-эмоционалды құзыреттіліктерді/дағдыларды дамыту.

Екі білім беру бағдарламасы да 2022 жылы Қазақстан Республикасы Білім және ғылым министрлігімен келісілген, біліктілікті арттыру курстарының білім беру бағдарламаларының тізіміне енді (https://www.gov.kz/memleket/entities/edu/documents/details/302713?lang=kk).