Қазақстан тарихы бойынша «Тәуелсіздік дәуірі» республикалық олимпиадасы

Қазақстан тарихы бойынша «Тәуелсіздік дәуірі» республикалық олимпиадасы - әркім өзін Қазақстанның басшысы ретінде сынап, елді басқарып көруге болатын білім беру жобасы.

Қатысушыларға 1991 жылдан 2019 жылға дейін мемлекеттің көшбасшысы ретінде Тәуелсіз Қазақстанның қалыптасу жолынан өту ұсынылады: жыл сайын өзі жалғыз немесе топпен (ойыншылардың санына байланысты) – белгілі бір тарихи жағдайда өзін қалай ұстау керектігі туралы шешім қабылдауы қажет. Міндет - өз халқының сенімін жоғалтпай, елдің әл-ауқатын көтеру.

Олимпиада мақсаты - Оқушылардың тәуелсіз Қазақстанның қалыптасу кезеңін оқуға деген қызығушылығын арттыру, көшбасшылық қасиеттерін, сыни ойлау, коммуникация және ынтымақтастық дағдыларын дамыту.
 
Олимпиада міндеттері:

• Жоғары сынып оқушылары мен колледж студенттерінің Қазақстан тарихы бойынша теориялық білімі мен практикалық дағдыларын тереңдету;
• оқушылардың Қазақстан тарихын оқуға деген қызығушылығын арттыру, ынталандыру;
• елдің зияткерлік әлеуетін қалыптастыруға көмектесу.

Олимпиада қатысушылары: 14 пен 18 жас аралығындағы Қазақстан Республикасының жалпы білім беретін мектептерінің жоғары сынып оқушылары мен колледж студенттері.

Олимпиада екі кезеңде өтеді:

Іріктеу кезеңі:

онлайн кезең kzgame.kz сайтында өтеді. Олимпиадаға қатысушылар осы веб-сайтта тіркеліп, белгіленген мерзім ішінде қатысады. Мақсат - бір ойында ең көп ұпай жинау. Бірінші кезең қорытындысы бойынша бір ойында жинаған ең көп ұпай саны бойынша 20 финалист іріктеледі.

Финалистер офлайн форматта өтетін финалға қатысуға шақырылады.

II-кезең.Финал

Финал Астана қаласында офлайн форматта өткізіледі.

Олимпиада қорытындысы бойынша:

● Финалистер қатысушы сертификатын алады.
● ІІ-кезеңнің жеңімпаздары естелік және құнды сыйлықтармен марапатталады.

Олимпиаданың өту уақыты мен мерзімі анықталып, https://elumiti.kz/ сайтының «Жаңалықтар» бөлімінде жарияланады.

Сұрақтар бойынша 8 (7273) 10 02 58 телефон номеріне соғып, хабарласуға болады (қоңырау шалу тегін).